الطڤان

بما أنو لازمني نعمل بما عمل السابقون و نكمل اللعبة متاع المدونين التوانسة على خاطر الصديقة قميرة طڤتني طڤة لا تقرا لا تكتب، إذا بش نبدا بقواعد اللعبة:

- وضع رابط الشخص اللي طڤك

- وضع قواعد اللعبة على مدونتك

- الإجابة على نفس الأسئلة

- طڤ سبعة مدونين أخرين

- إعلامهم بذلك في مدوناتهم

7 حاجات إنجم نذكرهم على روحي:

- ديما كشختي محلولة من الضحك

- أعشق كل نساء الأرض دون إستثناء

- خوكم عندو مرايات نظر نلبسهم ديما في وسط الجمعة و ندورها عدسات لاصقة في نهاية الأسبوع

- عندي برششششششششة صحاب مالعالم الكل و أكثريتهم بنات

- أنا أصمر

- فريقي المفضل في تونس هو الترجي الرياضي التونسي

7 حاجات نحب نعملهم قبل من نموت:

- نربح في اللوتو LOTO

- نشوف تونس دولة ديمقراطية

- نعمل رحلة حول العالم بالأتو ستوب Autostop

- نخرج نتعشّى راس أ راس أنا و جوليا بطرس

- نصلي ركعتين في الأقصى

- نشوف الحلقة الأخيرة متع ناروتو Naruto Shippuden

7 حجات نعشق عملانهم:

- السهريات

- المطالعة

- الحب

- المظاهرات

- التبحبيح في البحر

- تدخين أول سيجارة في اليوم

- تعدية وقيت على وحدة من أعز صديقاتي هنا و هي بالمناسبة غجرية

7 حجات نكره والديهم الكلب:

- الكوجينة

- إني نستنى Attendre

- الغش

- الكذب

- إني نبدا محشش و نطلب سيقارو من حد ما نعرفوش وقتي اللي يوفالي الدخان

- نمشي للدونتيست dentiste

- كيف يقلّي عرفي إكتبلي تقرير على خدمتك متع الشهر اللي فات

7 حاجات من نحبش نعملهم ولاّ مستّك فيهم:

- إني نمشي نعمل تزحلق على الجليد (مشيت مرة و كليت راسي)

- إني نكذب (كي نحب نكذب ديها نبدا مفضوح)

- إني نضحك من غير من قهقه

- إني نخدم نهار كامل من غير ما نعمل طلّة على فايسبوك

- إني نتفرج ساكت على ماتش كورة

- إني ما نشطحش كي نسمع موسيقى

- إني نشد حارس مرمى كي نكور مع صحابي

7 حاجات تعجبني في الطفلة اللى نحبها:

- خفة دمها

- زينها

- ذكاها

- ثقافتها

- عشقها ليّا

- كونها طبيبة بش نولي نداوي بلّوشي

7 حاجات نقولهم كل يوم تقريبا:

- الحمد لله

- Joder

- ههههههههههه

- Que guapaaaa!!!!

- خليني نزيد نرقد

- ********

- ********

7 شخصيات مهبول بيهم

- جميلة بو حيرد

- جمال عبد الناصر

- جوليا بطرس

- شي قيفارة

- جورج حبش

- غاندي

- نزار قباني

7 مدونين بش نطڤهم:

حاكم نورمال لاند

تلفزة بالملوان

وليد بن عمران

أفكار ليلية لطارق

أبو ألاء

سفيان شورابي

الرّاس الحرّ